HÆTT

blogg hvað?

Þetta er nú meiri letin í manni, er sko búin að vera þvílíkt löt síðan á laugardag, ekki nennt að gera handtak!! Hef samt afrekað það að fara í 3 göngutúra og svo þetta vanalega, þvo þvott og hengja út á snúru og brjóta svo saman. En í gær var kominn frekar stór haugur af hreinum þvotti sem beið eftir því að komast á réttan stað svo ég dreif í því. Og þreif svo meiri þvott og braut meira saman. Ótrúlegt hvað það er alltaf mikill skítugur þvottur hérna hjá mér. En það er svona að vera með lítið barn sem er duglegt að gubba sig út nú eða bara slefa í öll fötin sín. En á laugardagskvöldinu gubbaði Dagný Þóra sig alla út og það var bara allt í bólinu hennar útælt, sængin og lakið og hún sjálf auðvitað og allur fatnaðurinn sem hún var í. Við Addi vorum á endanum sjálf öll út í gubbi eftir þetta. Á sunnudaginn fórum við í mat til Beggu, nammi namm það var lambalæri. Svo var Begga að gefa Dagnýju grautinn og svo bara allt í einu þegar hún var alveg að vera búin að borða gubbaði hún öllu sem hún hafði borðað og það varð að taka hana úr næstum öllum fötunum. Ætli hún hafi ekki náð sér í smá ælupest. Samt skrítið því hún ældi aldrei á daginn, bara á kvöldin, fyrsta skiptið var um 11 leytið þegar hún var að sofa, hún bara vaknaði eftir klukkutíma svefn og gubbaði. Og seinna skiptið um 8 leytið. Annars hefur hún ekkert verið slöpp nema á laugardaginn var hún svolítið slöpp, vildi ekki leggja sig og ekki drekka eða borða.

En já, annars er allt gott í fréttum, er hugsanlega búin að fá rúm fyrir Dagnýju. Begga var að hringja og ein sem er að vinna með henni vantar að losna við barnarúm og það er gefins svo það er mjög gott. Kannski fæ ég bara rúmið í dag!
Er ekki enn búin að fá vinnu en ég fór niður á bæjarskrifstofu í gær og fékk umsókn um atvinnuleysisbætur og er komin á atvinnulausraskrá hjá þeim. En þessi umsókn maður, vá þvílíkt vesen. Endalausir pappírar sem þarf að fylla út og svo þurfti ég að hringja hingað og þangað og fá vottorð og bla bla bla!! Tók endalausan tíma í gær að græja þetta. Og núna þarf ég bara að bíða eftir þessum vottorðum og þá get ég skilað inn umsókninni. Vonandi fæ ég svo að sjá einhverja peninga fljótlega!!! Er að deyja úr peningaleysi og það þoli ég ekki!!

Við ætlum að reyna að fara suður eitthvað um helgina. Verð að fara að kíkja á hana litlu frænku. Við ætluðum líka að kaupa rúm handa Dagnýju en þurfum þess ekki núna.

En það er kannski best að halda áfram að gefa unganum mínum grautinn sinn!

Geggjað dugleg!!!

Er búin að vera þvílíkt dugleg í dag. Óli var ekki að beita í dag svo við vorum að taka til í húsinu. Óli ryksugaði og ég skúraði svo allt saman. Er líka búin að þvo af rúminu okkar Adda, samtals búin að setja 3var í þvottavélina í dag. Svo er ég búin að gera þetta vanalega, brjóta saman þvott og vaska upp og auðvitað sinna Dagnýju.

Helgin hjá okkur er algjörlega óráðin. Veit ekkert hvað við eigum að gera. Langaði svolítið að fara suður og kíkja á nýjustu frænkuna mína en var að spá í að fara ekki fyrr en eftir mánaðarmót þegar við eigum einhvern pening svo ég geti keypt eitthvað fallegt handa henni.
Hef aðeins verið að spá í að fara skreppa vestur í einn dag og sækja dót, veit samt ekki hvort það verður eitthvað úr því.

Geggjað krúttlegt áðan sem Dagný gerði. En hún situr hérna við hliðina á mér núna og er að borða brauð með kæfu. Svo var hún eitthvað að vesenast með smekkinn og svo blés hún alveg óvart og vissi ekki alveg hvað hún hafði gert og var svolítið gáttuð en svo hefur ekkert komið meir.
Hef verið að reyna að kenna henni að segja mamma en það kemur ekkert frá henni nema ahh aftur og aftur. Svo í gær var ég alveg á fullu mamma mamma mamma og á endanum var hún farin að segja ahh ahh. En hún blaðrar ekki mikið daman, segir s.s. bara ahh allan daginn og svo er hún voða mikið á háa C-inu, alltaf skrækjandi og öskrandi, en það er samt svo yndislegt, stundum verður maður pínu þreyttur en þetta er bara hennar leið til að tjá sig, sum babbla, sum blaðra og sum öskra, og ég á eitt stykki öskurapa!!! ;)
Í gær fékk Dagný í fyrsta sinn kjúkling og henni fannst hann nokkuð góður. Ég var bara með steikta kjúklingabita og skar litla bita handa henni og hún borðaði nokkuð marga bita. Ég má fara að gefa henni eiginlega bara allt, hún Brynja sem við fórum til í vigtunina í gærmorgun sagði meira að segja að hún mætti fá fisk en ég ætla að bíða með það.
Ætla á eftir kannski í Bónus og kaupa haframjöl því ég ætla að fara að gefa dömunni hafragraut á morgnana um leið og hún vaknar. Kenna henni á þetta morgunverðadæmi! Ætli ég verði þá ekki líka að fara að borða morgunmat, en ég sleppi því oftast.

En það var ekki fleira í dag.....

Ótrúlegt hvað henni finnst gaman að rífa í köttinn!

Æfa sig í að standa upp, en það tókst samt ekki! En kemur seinna hjá henni

úff...

Þriðjudagur

Strax kominn 19. september. Finnst þessi mánuðu vera nýbyrjaður. Eftir 2 daga verður Dagný Þóra 7 mánaða!! Pælið í því. Líst ekki á þetta hvað tíminn er fljótur að líða. Áður en ég veit af verða jólin búin og ég verð að undirbúa eins árs afmæli prinsessunnar minnar!

En það er ekki mikið í fréttum. Helgin hjá mér var frekar misheppnuð, hefði betur átt að sleppa því að fara vestur eins og ég ætlaði að gera. En ég nenni ekki að fara nánar útí það, get bara sagt að ég er komin með ógeð af fyllibyttum og áfengi! Ég var sko ekkert að drekka en sumir hefðu betur látið það ógert að fá sér í glas. Við Dagný Þóra fórum á laugardagskvöldinu á Leiðólfsstaði og hittum Adda þar. Gistum eina nótt hjá Steina Kidda. Ég fór ekki í neina rétt og ekki Dagný Þóra heldur. Skarðssrétt var svo seint og við fórum í staðinn á Leiðólfsstaði og svo var ógeðslega leiðinlegt veður á sunnudaginn og daman mín var rosalega pirruð svo við fórum ekki heldur í Gillastaðarétt. En það eru jú réttir á hverju ári svo við erum ekki að missa af neinu.

En Dagný Þóra er miklu skárri núna, um helgina vildi hún ekki sofa, ekki borða og var voða lítil og ég átti helst alltaf að halda á henni. En á sunnudagskvöldinu þegar við komum aftur í Hólminn var hún strax orðin skárri og hefur verið fín síðan þá, nema er með smá vesen einu sinni á nóttunni. Það fór allt í rugl hjá okkur þegar hún var veik og vildi hún þá ekki drekka á kvöldin en vaknaði svo á nóttunni svöng og fékk pela. Núna þarf ég bara að venja hana af þessu, koma meiri mat ofaní hana á kvöldin og setja hana kannski aðeins seinna í rúmið. Endlaust púsluspil alltaf hjá manni.

En já annars hef ég ekkert verið að gera merkilegt. Við Dagný fórum í Bónus áðan og versluðum slatta. Vantaði svo mikið eins og þvottaefni, bleyjur, WC pappír og fleira. Keypti líka í kvöldmatinn, ætla að hafa lasagne, nammi namm :) Ég varð líka að splæsa á mig slatta af dömubindum því nú fer það hel**** að byrja aftur, búin að vera í næstum 1 og hálft ár ekki á túr en núna er Dagný Þóra alveg hætt á brjósti. Þannig að ekki láta ykkur bregða ef ég verð í vondu skapi næstu daga......

En jæja, núðlurnar mínar eru tilbúnar svo ég ætla að skófla þeim í mig áður en þær verða kaldar!!!

jibbý :)

Púúúhhh....

Og það tókst.....

Need some help!!

Komið að því!

Í dag erum við mæðgurnar að fara að flytja í Hólminn, eða ég held alla vega að ég geti sagt að við séum að fara að flytja. Við erum ekki búin að kaupa hús eða íbúð, ætlum að vera í Lágholtinu hjá Óla pabba hans Adda til að byrja með. Addi byrjar að vinna hjá Pálma á þriðjudaginn. Ég er ekki enn komin með vinnu :( Get leitað betur þegar ég er komin út í Hólm. Ef að svo enginn vill ráða mig í vinnu verð ég bara að sækja um atvinnuleysisbætur!!!

Ebba og co voru að fara suður áðan. Mamma og stelpurnar eru hérna, mamma var að smala fyrir Hermann í gær og eftir smalamennskuna komu allir saman í fjárhúsunum hjá Hermanni og það var svaka stuð. Dagný Þóra var alveg að fýla þetta rolludæmi, fylgdist hún vel með öllu og svo náði amma í lamb og hún var að klappa því og rífa í það og svo lagði hú kinnina upp við það og rak út úr sér tunguna og sleikti lambið!!

Þetta var sko ekkert smá fyndið. Henni fannst nú bragðið ekkert sérstakt!
Held sko að hún eigi eftir að vera algjör sveitastelpa, enda ekki langt að sækja það.

Veðrið hjá okkur er hörmung, rigning og rok eins og er búið að vera lengi lengi. Alveg ömurlegt segi ég nú bara.

Dagný Þóra er sofandi núna og þegar hún vaknar förum við að leggja af stað, eða þegar ég verð búin að pakka alveg niður. Er alla vega búin að pakka niður öllum fötunum hennar og svo eitthvað af fötum á mig og svo eitthvað meira drasl eins og föndurdótið mitt og leikföngin hennar Dagnýjar. Ég tek svo köttinn með en kanínan verður að bíða. Ætla bara að fylla nokkra dalla af mat fyrir hana, það er nefnilega ekki pláss í bílnum hjá mér fyrir hana. Það verður einhver hérna um helgina svo hún fær meiri mat þá. Ég er nefnilega ekki alveg búin að ákveða hvað ég geri á næstu helgi. Nú er nefnilega búið að breyta tímanum á Skarðsrétt, hún verður núna á sunnudegi en var alltaf á laugardegi. Held að við förum bara í Gillastaðarrétt en Addi fer að smala fyrir Bjarna á næstu helgi og við vorum að spá í að vera bara þar yfir helgina við Dagný Þóra.

En jæja, það er kannski best að halda áfram að pakka og fara að henda einhverju í bílinn, er með svo mikið drasl því ég tek svo það allra helsta sem þarf að nota og það fylgir jú mikið dót svo litlum börnum og svo tek ég allt hestadótið með nema hnakkinn, Addi tók hann.
Veit ekki hvernig verður með netsamband þarna hjá mér í Hólminum, en sennilega flyt ég bara símanúmerið okkar þangað og set upp ADSL græjurnar mínar sem eru búnar að vera ofan í tösku síðan í Apríl!!!

en þangað til næst.....
bæ

Smá mynd af okkur mæðgunum! :)